Bainvgnü Viandar cun nus ill’istorgia

a „SOCIETÀ STELVIO-UMBRAIL 14/18“ as sfadiescha per salvar e documentar ils stizis e las restanzas da la prüma guerra mundiala chi’s chatta amo illa regiun dals plü ots pass da muntogna da las Alps e da render tuot accessibel al public.

Illa cruschada da la regiun trilinga Val Müstair (Svizra) – Vnuost (fin dal 1918 Austria-Ungaria) – Vuclina (Italia) as rechattan ils relicts impreschiunants da quistas dispittas militaras rigurusas chi nu s’han fermadas neir davant la dürezza da l’ota muntogna.

La Confederaziun svizra ha gnü la furtüna d’esser statta schaniada da quist grond conflict militar mundial. Millis da sudats svizzers han prestà dürant ils ons 1914 – 1918 lur servezzan da defaisa naziunala in quista regiun da cunfin dals trais pajais. Els sun stats perdüttas da la dispitta sül plü ot chomp da battaglia da l’istorgia mundiala. Las perdüttas ocularas sun mortas. Restadas sun be lur notizias e singuls relaschs.

Rait da las sendas da viandar istoricas

Damaniv al Pass dal Stelvio (2757) – sül Piz da las trais Linguas – as rechattaiva fin al 1918 il cunfin cumünaivel da l’Italia, da la monarchia dubla Austria-Ungaria e da la Svizra.

Trais linguas – trais regiuns – trais culturas.

Nossas sendas da viandar tematicas s’inscuntran hoz qua e decleran il möd da pensar e da verer dals stadis da quella jada.

Quatter sendas tematicas invidan ad ir in tschercha da stizis – trais o quatter dis da viandar in üna natüra fantastica ed in contuorns chargiats d‘istorgia.

Pigliai la peida, giodai istorgia ed istorgias, fauna e flora.

 

Bainvgnü i’l “MUSEUM 14/18”

Il „MUSEUM 14/18“ – illa cuort cun vout da la Chasa Plaz a Sta. Maria – es gnü avert dal 2007. Grazcha a la bainvuglientscha dal cumün, esa stat pussibel a la „SOCIETÀ STELVIO-UMBRAIL 14/18“ da concepir in Val Müstair ün center d’infuormaziun sur da l’istorgia da guerra sül Stelvio ed impustüt sur da l’importanza da l’occupaziun dal cunfin svizzer.

La visita a l’exposiziun serva d’üna vart sco preparaziun tematica per ir in tschercha dals fastizis illa regiun da cumbat da quel temp sco eir

Visitai l’exposiziun

  • per as preparar ad ir in tschercha da fastizis illa regiun da guerra da quel temp
  • per elavurar quai cha vus vais vis o chattà cun viandar süllas sendas militaristoricas
  • per cumplettar vossa cugnuschentscha ed incletta da l’istorgia
  • our da spür buonder
null

Möchten Sie uns dabei unterstützen?

Ihr “Angebot” interessiert uns!